Советникот во Советот на Општина Битола, Иван Чулакоски од „Поинаку“, објави снимка од новиот булеварски влез во Битола, граден непосредно пред локалните избори, на кој асфалтот на тротоарот пропаднал поради интензивниот дожд.

– „Манаки” од „Тему“ се враќа на терен! На фушерајо, крпејнците и импровизациите им нема крај. „Булеварскио“ влез шо го брзавте за пред избори продолжува да тони и да се распаѓа. Како што најави новиот претседател на совет, очекуваме санкционирање и одговорност од
градежната компанија оти толеранција нели нема да има“, вели Чулакоски.

Тој реагира дека булеварот е пуштен во употреба недовршен, како и дека сега, по изборите, таму не работи никој.

Новиот булевар на влезот на Битола веќе предизвика реакции пред изборите, кога, уште недовршен, се оштети на првиот посилен дожд.

ВИДЕО: На првиот поголем дожд распука нов асфалт на влезот во Битола