Американскиот пејач и композитор Ди Анџело, еден од највлијателните музичари на нео-соул жанрот, почина на 51-годишна возраст, по долга и храбра борба со ракот, соопшти неговото семејство, а пренесе Си-ен-ен.

„Сјајната ѕвезда на нашето семејство го изгуби својот сјај во овој живот,“ се вели во изјавата што семејството ја испрати преку неговата долгогодишна издавачка куќа „Ар-Си-Еј“.

„Длабоко сме тажни што може да ни остави само спомени, но бескрајно сме благодарни за наследството на неговата извонредно емотивна музика“, додадоа тие.

Во пораката семејството побара приватност во овие тешки моменти, но ги покани обожавателите да се придружат во во славењето на животот и музиката на Ди Анџело.