На 35-годишна возраст: Познат австралиски пејач почина од рак на мозокот
Австралискиот пејач и актер Џони Руфо почина на 35-годишна возраст.
Препорачано
Долго боледувал од рак на мозокот. Неговото семејство денеска ја соопшти тажната вест.
“Со тешко срце моравме да се збогуваме со нашиот сакан Џони денес. Опкружен со својата партнерка и семејството, тој почина мирно со поддршката на неверојатни медицински сестри и лекари. Беше многу талентирано, шармантно и понекогаш дрско момче. Џони беше многу одлучен и имаше силна волја. Се бореше до крај и се бореше колку што можеше. Таквата убава душа имаше уште многу да даде. Сите те сакаме, Џони, и ќе те паметиме по радоста што ја донесе во нашите животи“, објави семејството на неговиот Инстаграм профил.
Џони Руфо е роден во Перт, се прослави во „Икс Фактор“ 2021. Пред шест години изјави дека му бил дијагностициран тумор на мозокот и дека бил опериран. Тој тогаш објави дека има рак на мозокот и дека ќе биде подложен на поагресивен третман.
Во август минатата година изјави дека е во терминална фаза на рак. Својата борба ја откри во книгата „No Finish Line“, а последен пат објави на Инстаграм во јуни. Неговото семејство и девојка му биле огромна поддршка.
