МЗТ Скопје ја оправда фаворитската улога против Феникс 2010
Кошаркарите на МЗТ Скопје славеа со 78:70 на гости против Феникс 2010 во рамки на третото коло од Суперлигата. „Металците“ подобро го отворија натпреварот и на стартот од втората четвртина дојдоа до предност од 20 поени (31:11).
Но, кошаркарите на Феникс предводени од искусниот Бојан Трајковски, полека се „враќаа“ во натпреварот и во финишот од втората четвртина дојдоа до едноцифрена негатива (35:44). Третата четвртина им припадна на „металците“ кои направија предност од 16 поени (66:48), но и тоа не беше доволно да се скрши отпорот на кошаркарите на Феникс.
Трајковски постигна седум поени во серијата од 11:0 на неговиот тим со која дојдоа до 59:66. Потоа погодија и Михајловски и Стојановски за минус два (66:68) на три ипол минути до крајот.
Но, во наредните три минути кошаркарите на Феникс останаа „останаа без муниција“ и тоа го искористи шампионот кој со серија од 7:0 дојде до недостижни 75:68.
Кристијан Николов го предводеше МЗТ Скопје со 12 поени, додека 10 поени додаде Ајви. Во редовите на Феникс блескаше Бојан Трајковски со дабл-дабл од 25 поени и 16 скока.
Кошаркарите на Еуро Никел славеа со убедливи 87:73 против ТФТ и направија исчекор кон освојување на третата позиција пред стартот на плеј офот. Бранислав Џекиќ со 22 поени и 9 скока беше најдобар кај Еуро Никел, Соколов даде 21 поен,а Томиќ имаше дабл-дабл од 14 поени и 10 скока. Во редовите на ТФТ најдобар беше Ландриус Хортон со 19 поени.