Кошаркарите на ТФТ Скопје забележаа значајна победа во Суперлигата, откако во дерби-натпреварот го совладаа Работнички со 88-84, додека МЗТ Скопје сигурно славеше против Феникс со 85-73.

Екипата од Тафталиџе наметна темпо уште во првото полувреме, кое го заврши со предност од 49-42. Работнички успеа да се врати во игра по паузата и со подобра трета четвртина ја намали разликата (65-56), најавувајќи неизвесна завршница.

Сепак, ТФТ навреме го крена нивото на игра, фати одличен ритам во финишот и успеа да ја сочува предноста за конечен триумф од 88-84. Најрасположени во редовите на победникот беа Ташовски и Дејвис со по 20 поени, додека Рикиќ беше најефикасен на мечот со 24 поени.

Во вториот натпревар, избраниците на Васко Атанасов имаа контрола уште во првото полувреме, кога стекнаа шест поени предност (46-40). МЗТ продолжи со доминацијата и во вториот дел, дополнително го зголеми водството и на крајот рутински го приведе мечот до победа од 85-73.

Најдобар стрелец кај МЗТ беше Мек Смит-Мекевен со 20 поени, додека кај Феникс најмногу се истакна Дашон Дајсон со 18 поени.