Можен ли е сензационален камбек? Роналдо тренира во тренинг комплексот на Реал Мадрид
Кристијано Роналдо веќе ја остави зад себе разочарувачката мундијалска епизода и следниот предизвик на Португалецот е да пронајде нов клуб.
Роналдо непосредно пред настапот со Португалија на Светското првенство го раскина договорот со Манчестер Јунајтед и сега е слободен агент. Интересно е што Роналдо се подготвува не било каде, туку во тренинг комплексот Валдебебас на Реал Мадрид.
Како што објавија шпанските медиуми Роналдо тренира сам и работи на својата физичка подготвеност, на користење ги има сите делови од тренинг комплексот. Роналдо сам побарал таму да се подготвува, а Флорентино Перез без проблеми му дал одобрение.
Тешко е да се поверува дека Реал Мадрид ќе го врати Роналдо во составот, такво нешто во овој момент не е опција. Сепак, треба да се знае и дека Бензема сезонава се мачи со повреда и целиот товар во нападот на Реал е врз младите Родриго и Винисиус.
Меѓутоа и да се случи Реал да го ангажира Роналдо тоа сигурно ќе биде за плата далеку пониска од онаа што ја имаше пред неколку години тука, а освен тоа сигурно дека и улогата на теренот би му била многу помалку важна.