Москва ќе забранува страшни играчки?
Официјална Москва смета дека играчките кои изгледаат како чудовишта и асоцираат на смрт се опасни за руските деца и дека треба да бидат забранети за продажба.
Според тамошните власти, сосема е погрешно на деца да им се купуваат играчки на кои има траги од крв, кои изгледаат бизарно, личат на вампири и чудовишта. Тие наводно предизвикувале анксиозност и депресија кај децата.
Чудовишта и крв не треба да бидат дел од детска игра, особено во време кога општеството се соочува со агресија. Наместо тоа, на полиците во руските продавници треба да има играчки кои ќе ги подучуваат децата на позитивни нешта.
Друг проблем се неквалитетните и потенцијално токсичните материјали кои некои производители на играчки ги користат. Затоа и руските власти сметаат дека треба да се обрне внимание и на квалитетот на играчките кои се пласираат на пазарот.