Унгарсксиот фудбалер Марко Варга (26) го загубил животот во сообраќајна несреќа која се случила во Австрија, пренесуваат локалните медиуми.

Несреќата се случила во саботата вечер, само еден еден откако го одиграл последниот натпревар за својот клуб на кој бил и стрелец. Според информациите на автопатот А1 возач со комбе со голема брзина удрил во неговиот автомобил.

Брзата помош реагирала веднаш по пристигнувањето и успеала да го оживее, но подоцна во болница фудбалерот им подлегнал на повредите.

Варга бил познат во регионалните лиги на Австрија, а длабока тага изрази спортскиот директор на неговиот клуб, Курт Баумгартнер.

„Не знам што да кажам, ситуацијата е многу тешка за сите нас. Се уште не можеме да поверуваме дека ова се случи“, изјави Баумгартнер.

Варга во младите селекции помеѓу останатите настапуваше за Хонвед, Пушкаш академијата и Видеотон. Играше и за младинските селекции на Унгарија, но никогаш не доби прилика за настап во сениорската репрезентација.

Die Trauer beim Fußballverein ist groß: Freitagabend erzielte der 26-Jährige sein erstes Tor für den Verein. Wenige Stunden später verstarb er bei einem schweren Verkehrsunfall auf der A1 in Pucking. Die Unfallursache ist nach wie vor unklar, die Polize… https://t.co/Bi6uOv5Ek6

— OÖNachrichten (@nachrichten_at) November 4, 2023