Банкар од Прилеп доби кривична пријава откако незаконски ги зголемувал дозволените пречекорувања на неговата и на кредитната картичка на сопругата, соопшти МВР.

35-годишниот осомничен со ова им овозможил не неговата сопруга и на неговата мајка незаконски да стекнат повеќе од 10.000 евра, тврдат од полицијата.

„СВР Битола поднесе кривична пријава против М.С.(35) од Прилеп поради постоење основи на сомнение за сторено кривично дело „злоупотреба на службената положба и овластување“. Пријавениот, во својство на службено лице во банка во Битола, во неколку наврати вршел неовластено зголемување на лимитите на неговата кредитна картичка и специјален лимит, како и зголемување на лимитот на неговата сопруга, а извршил и незаконско зголемување на својот имот и имотот на неговите сопруга и мајка, односно за себе и за нив овозможил да се стекнат со вкупна материјална корист од 657.400 денари“, пишува во полицискиот билтен.