Во првиот меч од неделата програма од 21 коло на македонската кошаркарска „МТЕЛ“ Супер лигата, МКК Куманово го совлада составот на Кожув (89:82) и ги одржа надежите дека ќе бидат дел од првите шест екипи кои ќе играат во оној дел во кој ќе се бараат четири места за плејофот.

Во првото полувреме, двете екипи си разменија по една четвртина. Гостите од Гевгелија ја добија првата, со сосема солидна предност (32:24). Домаќините се вратија во втората, со слична позитива (26:14), доволно за да заминат со плус од четири поени, (50:46). Максимално изедначено се играше во продолжението на средбата. Со забелешка дека кумановци успеаја да ја задржат таа тешко стекната позитива и по три одиграни периоди, имаа 67:62).

Иако изгледаше мала, таа се покажа како сосема недостижна за кошаркарите на Кожув во последните 10 минути никако не успеаја да ја поништат. По поените на Боувен, на три и пол минути пред крајот гевгеличани заостануваа само два поени (74:76).

Но МКК Куманово направи, имаше подобра завршница, имаа подобар финиш „сино-белите“. Во период од деведесет секунди, направија скор (8-1), кој ги однесе до недостижно водство (84:75).

Стевановиќ беше прво име во редовите на МКК Куманово со 30 поени, имаше и 10 скока, Луковиќ запиша 17 поени и осум скока, Радукиќ уште 16 поени (осум скока и три асистенции), а Лука Димитриевски запиша 18 поени, дополнети со по четири скока и асистенции. Во екипата на Кожув, која по 21 одигран меч има учинок 11-10, Боувен забележа дабл-дабл учинок од 20 поени и 11 скока. Николас го заврши мечот со 18 поени, девет асистенции и седум скока, Бојчев имаше 15 поени.