Медот од аспект на пчеларството, медопроизводството, можноста и шансите за вработување, на оваа тема во „Утрински брифинг“ на „Слободна ТВ“, говори пчеларот, Александар Михајловски.

-Одржувам околу стотина пчелни сандаци, а бев инициран од моето здравје. Сакав да си го користам за себе, да знам како е произведен, вели во „Утрински брифинг“ на „Слободна ТВ“, Александар Михајловски, пчелар.

Според искуството на Михајловски пчеларството во Македонија не е исплатливо.

-Повеќе од 30 години сум пчелар и ако нема поддршка, субвенции од страна и сме оставени сами на себе, ние сме непродуктивни и непрофитабилни. Но профитот може да се оствари на разни други начини, преку производство и употреба на пчелите за производство на други пчелни производи како што се коњуктурниот пчелен отров, прополис, полен. Медот сега доаѓа на секундарен план, не е веќе примарен производ на пчелите- вели Михајловски.