По неколку часовни разговори за актуелните прашања во државата, лидерот на ВМРО-ДПМНЕ Христијан Мицкоски и со лидерот на СДСМ и премиер Зоран Заев се договориле да го одложат пописот за септември годинава, соопшти Мицкоски.

-Попишувачите во наредниот период ќе се вакцинираат, по што пописот наместо според предвиденото на 1. април се одложува за 5. септември, рече Мицкоски додавајќи дека тоа е за заштита на населението во екот на пандемијата.

Лидерите поради ова договорија и одложување на локалните избори за во октомври.

Заев и Мицкоски исто така се договориле за измени во Изборниот законик, односно спроведувањето на изборите да се врши со фингерпринт идентификација на гласачите за да се спречи семејно гласање и злоупотреби во изборниот процес.

Лидерите се договориле дека вакви средби ќе има и во иднина, дури и во проширен состав, но целта е да се има квалитет, а не квантитет, рече Мицкоски по средбата со Заев.