Мицкоски и Сиљановска-Давкова дојдоа во Собранието — се одржува седницата за трагедијата во Кочани
Денеска во Собранието се одржува седницата на Постојаната анкетна комисија посветена на трагедијата во кочанската дискотека „Пулс“.
Препорачано
На седницата присуствуваат премиерот Христијан Мицкоски, претседателката Гордана Сиљановска-Давкова и претседателот на Собранието Африм Гаши, како и родителите на загинатите деца.
На дневен ред е претставката поднесена од Здружението на граѓани „16 март 2025 Кочани“, формирано од родителите на загинатите деца.
Во писмото на Здружението се посочува дека ова за нив не е политичка тема, туку борба за правда за нивните деца и спречување на идни вакви случаи. Во писмото се нагласува дека родителите не сакаат ништо повеќе од она што Уставот и законите треба да го гарантираат: одговорност и почитување на човековите права и човечкиот живот, а за што сметат дека постои јасна и неодложна обврска институциите да дејствуваат.
На анкетната комисија за Кочани нема да дојдат премиерот и министерот за внатрешни работи
