Возачот на Ред Бул, Макс Ферстапен изјави дека едноставно не може да се натпреварува со возачите на Мерцедес за пол позицијата пред трката за Големата награда на Британија.

На утрешната трка од пол позицијата на легендарната патека Силверстон ќе стартува возачот на Мерцедес, Луис Хамилтон, а веднаш до него ќе биде и вториот возач на германскиот тим, Валтери Ботас.
Третото место му припадна на Макс Ферстапен кој имаше за повеќе од една секунда поспоро време од тоа на Хамилтон.

– Мислам дека кругот на крајот од вториот дел од квалификациите беше добар, но Мерцедесите се пребрзи. Тоа е нешто што може да го очекувате, и да дадете се од себе повторно ќе бидете трети. Ќе се борам до крај, а кога стартувате од третото место имаше добра шанса – изјави Ферстапен.