Претседателот на Демократската партија на Косово, Мемли Красниќи изјави дека поради ситуацијата на север, туристите ги откажуваат посетите на Косово, бидејќи, како што наведе, се плашат да дојдат во „мини Украина“, пренесува Газета Експрес.
Според него, Косово за прв пат се појавува како центар на кризата во сите медиуми, што предизвика откажување на туристите кои планирале да го посетат.

„Би сакал да има нешто позитивно, но не го гледам тоа, бидејќи за прв пат по многу години, Косово е центар на криза во сите меѓународни медиуми“, рече Красниќи.

Според него, за прв пат Косово наидува на остри казни од најголемите партнери.

Имаме бунт организиран од криминални групи од општините на север и за првпат имаме толку сериозно ниво на осуда и казнување на Косово од главните партнери“, додаде Красниќи.