Мексико: Поранешна министерка уапсена поради корупција и поткуп – Слободен печат
ВестиПланета

Мексико: Поранешна министерка уапсена поради корупција и поткуп

Таа е обвинета дека учествувала во корупциска шема во која обвинителите тврдат дека од владината каса преку фалсификувани договори биле украдени приближно шест милијарди пезоси, а во тоа учествувале и државни универзитети и фиктивни компании.

Поранешната мексиканска министерка Росарио Роблес, која во претходната влада на претседателот Енрике Пења Нието беше одговорна за програмите за социјален развој, е обвинета за корупција и кражба на над 300 милиони долари и од од денеска е во притвор во очекување на конечната одлука на судот.

Роблес, која од 2012 до 2018 година беше член на кабинетот на поранешниот претседател Нието, по завршувањето на денешното 12-часовно судско заседание е приведена и веднаш префрлена во женскиот затвор во Мексико Сити.

Таа е обвинета дека учествувала во корупциска шема во која обвинителите тврдат дека од владината каса преку фалсификувани договори биле украдени приближно шест милијарди пезоси, а во тоа учествувале и државни универзитети и фиктивни компании.

Ова е еден од првите поголеми случаи на откриен поткуп под водство на левичарскиот претседател Андрес Мануел Лопес Обрадор, кој од стапувањето на должноста, во декември минатата година, веднаш се зафати со бескомпромисна борба против корупцијата.

Роблес ги негира обвиненијата и кажува дека токму таа ги открила и јавила за  злоупотребите. Нејзиниот адвокатски тим наведува дека постапката против неа  е „политички прогон”.

Претседателот Лопес Обрадор демантира дека стои зад кривичната истрага против Роблес.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close