Маж облечен како нинџа ранил две полицајки во Франција
Маж облечен како нинџа денеска нападнал со меч и повредил две полицајки во францускиот град Шербур, а досегашните податоци не укажуваат дека се работи за терористички напад, соопшти полицијата.
Инцидентот се случил околу 16 часот кога полицијата почнала да апси маж поради кражба на автомобил, јавува Ројтерс.
Откако полицијата извесно време го бркала низ улиците, мажот, чие име и националност не се наведува, удрил во билборд и застанал во близина на бензинска пумпа.
Мажот потоа излегол од автомобилот облечен како нинџа и со катана, јапонски самурајски меч, се упатил кон полициското возило.
Прво со катаната удрил една полицајка по брадата, а потоа друга по главата.
Трет полицаец потоа го застрелал напаѓачот, го удрил во стомакот и му нанел сериозни повреди, па со хеликоптер бил пренесен во болница.
Двајца полицајци се здобиле со полесни повреди и исто така се пренесени во болница.
Solidarité aux deux policiers attaqués à l’arme blanche et blessés #Tourlaville. Admiration pour l’efficacité et le sang froid qui ont permis de neutraliser l’agresseur. Vigilance et totale fermeté face à la multiplication des attaques contre ceux qui nous protègent.
— Philippe Bas (@BasPhilippe) December 2, 2021
Министерот за внатрешни работи Џералд Дарманен се огласи на Твитер за да го коментира инцидентот и рече дека ја поддржува полицијата.
„При интервенцијата поради кражба на возила во Шербур, повредени се двајца полицајци. Поддршка за националната полиција“, напиша Дарманен на Твитер.