Четириесет и шестгодишен скопјанец итно бил пренесен во болница откако вчера попладне бил пронајден со убодна рана во неговиот дом во скопската населба Аеродром.

Според информациите од МВР, човекот рекол дека сам се повредил во кујната.

„На 4 јуни околу 14 часот, во СВР Скопје било пријавено од Итната медицинска помош дека во дом на подрачјето на општина Аеродром бил пронајден повреден со нож 46-годишниот Д.Б. од Скопје. Тој бил пренесен на лекување во Комплексот клиники „Мајка Тереза“, а на местото излегле полициски службеници кои извршиле увид. Според првичните сознанија и изјавата на повредениот, тој сам се повредил при пад во кујната додека работел“ соошти МВР.

За инцидентот веднаш бил известен и дежурниот јавен обвинител, а полицијата во моментов презема дополнителни мерки за целосно расчистување на случајот.

ВИДЕО | Двајца пешаци се прегазени на дивиот премин кај Бит-пазар