Maж од Босна и Херцеговина денеска објави видео со исклучително вознемирувачка содржина на социјалната мрежа Инстаграм, порачувајќи им на гледачите дека во живо ќе видат убиство.

На видеото потоа се гледа како зема пиштол и испукува куршум во челото на женско лице. Исто така, на видеото може да се слушне плачот на дете кое било во непосредна близина.

Се работи за лицето Нермин Сулејмановиќ, бодибилдер и фитнес тренер кој веќе и е познат на полицијата, додека застрелана жена е наводно неговата сопруга.

– Овде во живо можете да видите како изгледа убиство – рекол полудениот убиец.

Медиумите не го објавуваат видеото бидејќи се работи за вознемирувачка содржина.

Полицијата во моментов трага по убиецот за кој се тврди дека убил три лица и едно дете, обидувајќи се да ги утврди причините за ова свирепо убиство.

Убиецот според досеашните сознанија бил член на една позната нарко банда.