Маратонците утре ќе трчаат до Крушево во чест на Тоше
Крушево утре го одбележува денот на загинување на големата македонска и балканска музичка ѕвезда Тоше Проески кој пред 13 години загина во сообраќајна несреќа кај Нова Градишка, Хрватска.
Се навршуваат 13 години без Тоше, но крушевчани и маратонците ќе го одбележат споменот за трагично загинатиот, нашиот Тоше.
Традиционално маратонците ќе стигнат во Крушево и на неговото вечно почивалиште на Гумење. Пречекот на маратонците е во организација на средното училиште „Наум Наумоски Борче, на основното училиште „Никола Карев” и на Општината.
-Конечно успеавме барем малку да му се оддолжиме на Тоше. Преку многу настани во негов спомен ќе продолжиме да ги негуваме неговите лик и дело, вели крушевскиот градоначалник Томе Христоски.
Како и досега, од влезот на Крушево маратонците ќе се пречекуваат со црвени рози, а на Гумење ќе се пеат песните на Тоше Проески. Сите ќе му оддадат почит на Тоше, а оваа година почитта е во неговото обновено, изградено вечно почивалиште како спомен обележје.