Според последните податоци, бројот на жртви од новиот коронавирус се искачи на 1.384, додека регистрирани се 5.090 нови случаи.

Вкупниот број на заразени со Ковид-19 вирусот е 64.447 лица во повеќе од 25 земји низ светот, а меѓу болните во Кина има се повеќе здравствени работници кои се грижеле за болните.

Локалните медиуми јавија дека во една болница се разболеле 130 од 500 здравствени работници.

Засега најмногу болни има во Кина, со три смртни случаи пријавени надвор од земјата, од кој последната е 80-годишна жена во Јапонија. Засега, само во Африка и во Јужна Америка нема регистрирано ниту еден случај на заболен од коронавирус.

Добра вест е тоа што секојдневно се зголемува и бројот на лица кои успеале да се излечат од овој вирус, а во моментов бројката изнесува 7.080 луѓе.

На овој линк можете во живо да ги следите сите информации поврзани со коронавирусот, колку изнесува бројот на заболени, во кои земји, бројот на починати, како и на лицата кои успеале да се справат со Ковид-19.