Најпознатиот фудбалски инсајдер Фабрицио Романо објави дека трансферот на Елиот Андерсон во Манчестер сити е целосно договорен.

Веста доаѓа во екот на Светското првенство, каде што Андерсон настапува за репрезентацијата на Англија и се наметна како стандарден првотимец во составот на „Гордиот Албион“.

Андерсон блескаше во дресот на Нотингем форест во изминатата сезона, со што го заслужи и повикот од селекторот Томас Тухел, а сега следува и најголемиот трансфер во неговата кариера. Според Романо, Манчестер сити ќе му плати на Нотингем отштета која, заедно со бонусите, може да достигне дури 150 милиони евра.

Со тоа, англискиот шампион ќе го урне сопствениот рекорд за најскап влезен трансфер. Досега рекордот го држеше Џек Грилиш, за кого Сити во 2021 година ѝ плати на Астон вила 117,5 милиони евра.

Дваесет и тригодишниот Андерсон е производ на академијата на Њукасл, од каде што во 2024 година за 41 милион евра се пресели во Нотингем. Со овој трансфер, поранешниот европски шампион значително ќе ја зголеми својата клупска каса. Во дресот на англиската репрезентација досега има забележано 11 настапи.