Хари Мегваер ќе остане во Манчестер јунајтед и наредната сезона, откако стави потпис на нов договор кој го обврзува до јуни 2027 година.

Договорот предвидува и опција за продолжување уште една година. Мегваер, кој во Јунајтед пристигна во 2019 година, по потписот на новата соработка не го криеше своето задоволство:

„Да го претставуваш Манчестер јунајтед е најголема чест. Тоа е одговорност што мене и моето семејство нè прави горди секој ден. Пресреќен сум што ја продолжувам приказната со овој неверојатен клуб на најмалку осум сезони и што ќе продолжам да играм пред нашите навивачи“, изјави Мегваер.

Задоволство истакна и директорот на клубот, Џејсон Вилкос:

„Хари го претставува менталитетот на Манчестер јунајтед, тој е врвен професионалец кој носи искуство и лидерство на тимот. Тој е целосно решен да помогне Јунајтед да оствари долгорочен успех“, изјави Вилкос.

Harry commits 🇾🇪🗣️

— Manchester United (@ManUtd) April 7, 2026