Вчера во 19.10 часот било пријавено дека во Охрид, на ул.„Ванчо Питошески”, патничко возило „ауди” со охридски регистарски ознаки, управувано од Н.Р.М.(35) од Охрид удрило во малолетен пешак од Охрид.

Во несреќата со тешки телесни повреди се здобил малолетникот, констатирани во Специјалната болница „Св.Еразмо” Охрид. Извршен бил увид од увидна екипа од СВР Охрид.

Претходно во 18.45 часот во СВР Битола било пријавено дека на паркинг на ул.„Смилевски Конгрес” во Битола, товарно возило „фиат панда” со скопски регистарски ознаки, управувано од Х.Ц.(28) од Битола, удрило во малолетен пешак од Битола.

Во несреќата малолетникот се здобил со тешки телесни повреди, констатирани од Клиничката болница Битола.

Извршен бил увид од увидната екипа од СВР Битола.