Францускиот претседател Емануел Макрон рече дека Франција е целосно подготвена да ги поддржи мировните преговори меѓу САД и Иран, откако синоќа имаше телефонски разговор со американскиот претседател Доналд Трамп. Тој објави на социјалната мрежа Х дека го пофалил Трамп за напорите за постигнување договор со Иран.

Тој истакна дека со Трамп детално разговарале за ситуацијата на Блискиот Исток.

„Ги пофалив неговите решителни напори што ги води за постигнување договор меѓу САД и Иран што е можно поскоро. Тоа претставува единствена можност за изградба на нова безбедносна рамка што ќе ги вклучи сите заинтересирани страни и ќе овозможи трајна стабилизација на регионот“, напиша францускиот претседател.

Макрон нагласи дека Париз нема намера да се држи само до зборови, туку е подготвен да преземе оперативна улога на терен штом ќе се постигне договор меѓу Вашингтон и Техеран.

„Посочив дека сме целосно подготвени да ги поддржиме овие напори и да го преземеме нашиот дел од одговорноста во нивното спроведување. Токму ова е целта на меѓународната мисија што ја дизајниравме заедно со Британците и нашите партнери. Таа е подготвена да биде распоредена штом ќе се склучи договорот за да придонесе за обезбедување на поморскиот сообраќај во Ормускиот теснец“, истакна Макрон.

J’ai échangé hier soir avec le Président Trump au sujet de la situation au Moyen-Orient.

J’ai salué les efforts déterminés qu’il mène pour parvenir rapidement à un accord entre les États-Unis et l’Iran, qui constitue une opportunité unique de construire…

— Emmanuel Macron (@EmmanuelMacron) June 1, 2026

Тој додаде дека Франција е подготвена да ја понуди својата експертиза и воени капацитети во пошироките преговори што мора да се отворат, со посебен акцент на нуклеарниот аспект на договорот. Конечно, тој ја пофали посветеноста на Трамп на суверенитетот и територијалниот интегритет на Либан, нагласувајќи ја важноста на цврст прекин на огнот и колективна поддршка за либанските власти.

Франција вчера побара итен состанок на Советот за безбедност на ООН поради драматичното интензивирање на израелската офанзива во Либан, а таа вонредна седница ќе се одржи подоцна денес.

Франција заплени руски танкер од „флотата во сенка“ во Атлантикот