Македонските сноубордери се закитија со четири медали во БиХ
На меѓународниот ФИС натпревар кој се одржува во Бјелашница (Босна и Херцеговина) четири бронзени медали освои македонската сноуборд репрезентација.
Во категоријата „Big Air“ Карло Дерибан се најде на третата позиција, потоа Ведран Лауренчиќ во категоријата „Slopestyle“.
Двапати до бронза дојде Слободан Саздовски во категориите „Slopestyle“ и „Big Air“, во различни возрасни категории.
Овој натпревар кој го организираше „Фристајл“ клубот од Сараево, беше прв меѓународен ФИС натпревар за нашите најдобри натпреварувачи во сноуборд оваа година.
Воедно со овие резултати спортистите ја исполнија нормата на Скијачката феддерација на Македонија.
Според најавите следниот викенд се очекува нашата земја да учествува на меѓународниот натпревар во Анилио, Грција.