Денеска е објавена најновата АТП ранг листа на која нов скок запиша најдобриот македонски тенисер Калин Ивановски.

Ивановски има нов напредок од 16 позиции и моментно е на 478 место со 84 поени, што е до сега негов најдобар ранкинг во кариерата.

Нашиот тенисер пред осум дена играше финале на турнирот во Тунис, а истото мораше да го предаде поради повреда, но се надева дека наскоро ќе заздрави и ќе се врати во својата најдобра форма.

Новак Ѓоковиќ ја започна 377 недела на врвот на АТП со 7070 поени, пред второпласираниот Карлос Алкараз (6480), а на третото место е Стефанос Циципас (5940).

На ВТА ранг листата во женска конкуренција првопласирана е Ига Швјонтек (10900 поени), пред Арина Сабаленка (6100) и Пегула Џесика (5250). Најдоброрангира македонска тенисерка е Лина Ѓорческа која се наоѓа на 222 место со 297 поени.