Членот на најдобрата македонска кошаркарска репрезентација, Адем Мекиќ повторно ќе го носи дресот на хрватскиот клуб Задар.

Претходно ги бранеше боите на Задар во сезоните 2022/23 и 2023/24, со овој клуб освои две титули, во хрватското првенство и Купот „Крешимир Ќосиќ“.

Според информациите, Мекиќ го раскинал договорот со косовскиот клуб Бора од Приштина. Требаше да потпише за клуб од Германија, но имаше проблеми со работната дозвола.

Тренерот на Задар, Даниел Јусуп го контактираше Мекиќ кој не размислуваше многу, и одлучи да се врати во Хрватска и договорена соработка до крајот на сезоната.

Нашиот играч се наоѓа во добра физичка кондиција, неодамна имаше репрезентативни обврски во претквалификациите за Евробаскет 2029 и придонесе во победите над Луксембург и Азербејџан, и според најавите в среда оди во Задар.

Претходно на клупски план настапуваше и за Вардар, МЗТ Скопје, Куманово, АВ Охрид, Пелистер, Темишвар од Романија и ТФТ.