Македонија стана дел од Глобалната заложба за слобода на медиумите – Слободен печат
ВестиМакедонија

Македонија стана дел од Глобалната заложба за слобода на медиумите

Со оваа Глобална заложба, земјите меѓу другото се обврзуваат и заедно да интервенираат на највисоко ниво со владите на земјите каде што слободата на медиумите е во опасност.

Министерот за надворешни работи Никола Димитров, денеска во Лондон на вториот ден од Меѓународната конференција за слобода на медиумите, во име на Република Северна Македонија ја потпиша Глобалната заложба за слобода на медиумите, со која земјите потписнички се обврзуваат да работат заедно во заштитата на слободата на медиумите.

Учесниците на Конференцијата се обврзаа да зборуваат и да дејствуваат заедно, формирајќи Коалиција за слобода на медиумите за поддршка и истакнување на фундаменталната важност на слободата на медиумите за безбедноста, просперитетот и благосостојбата на сите општества, во здружување на напорите за споделување информации и преземање дејства кога новинарите и медиумските организации ќе бидат изложени на ризик, како и во разоткривање на кршењето и злоупотребите на слободата на медиумите и нивното споделување со глобалната јавност и промовирањето одговорност на овој план, соопшти МНР.

Со оваа Глобална заложба, земјите меѓу другото се обврзуваат и заедно да интервенираат на највисоко ниво со владите на земјите каде што слободата на медиумите е во опасност, и да покажат солидарност со земјите кои работат на градење медиумски слободи.

Дводневната Меѓународна конференција за слобода на медиумите во Лондон годинава прв пат е во ко-организација на Обединетото Кралство и Канада. Следната година конференцијата ќе се одржи во Канада.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close