Теодор Стојановски од таеквондо клубот Бутел во категорија -49кг во Тирана, Албанија направи голема сензација на официјално кадетско европско првенство во олимписко таеквондо.

Македонскиот таеквондист имаше три доминантни победи над репрезентативци од Кипар, Украина и Британија.

Нашиот натпреварувач во првото коло го совлада Хараламбос Хаџимаврос со победа 2:0 во рунди, потоа во второто коло славеше против Јарослав Вечирко Украина (2:0) и во полуфиналната фаза над Шон Џита Британија (2:0).

Стојановски претрпе пораз во финалето од Нора Бранж, репрезентативецот на Франција (0:2).

Овој релевантен, историски младински успех за македонскиот спорт е права реткост за домашниот спорт. Сребро на официјално европско првенство во олимписки спорт е вистинска насока дека македонското таеквондо го задржува приматот на водечки и најтрофеен домашен спорт.