Суд во Инсбрук денеска осуди брачна двојка од Австрија на доживотен затвор за убиство и тортура на нивниот тригодишен син, објавија австриските медиуми.

Судско-медицински експерт пред судот како доказ го изнел фактот дека момчето тежело само четири килограми кога починало во мај 2024 година.

„Детето имало лице на постара личност, а телото било само кожа и коски“, рече таа.

Портпаролката на окружниот суд во Инсбрук изјави дека мајката била упатена во центар за ментално растроени криминалци. Пресудата сè уште е предмет на жалба.

Момчето било пронајдено гладно и дехиодрирано во Тирол, во близина на германската граница.

Обвинителката рече дека детето страдало од „пеколни болки“ со месеци. Таа опиша како момчето било заклучено во темна соба, врзано, претепано и речиси без храна.

„Обвиненијата се базираа на пораки од разговор и фотографски докази што ги споделиле таткото и мајката, двајцата на возраст од 27 години. Двајцата се охрабрувале еден со друг смеејќи се за својот син додека страдал“, рече обвинителката.

APA објави дека родителите ја признале вината, а таткото му рекол на судот дека нема објаснување за своето однесување. Тој изразил жалење и рекол дека му е жал што неговите други деца знаеле за страдањето и смртта на нивниот брат.

Двојката има и три ќерки.