Унгарскиот премиер Петер Маѓар објави дека е против исплатата на законската отпремнина на поранешниот премиер Виктор Орбан, што предизвика политичка контроверзност во Унгарија, пренесе Индекс.ху.

Отпремнината е околу 39 милиони форинти (околу 105.000 евра), на која Орбан би имал право според важечките прописи по напуштањето на функцијата.

„Според неговата декларација за имот, Виктор Орбан, кој е без пари, би имал право на отпремнина од 38.801.013 форинти врз основа на законот што го донесе за ограбување на нашата земја. Нема да ја добиеш“, напиша Маѓар на Фејсбук.

Тој додаде дека нема да ги потпише документите потребни за исплата на отпремнина на членовите на владата во заминување, што, според медиумските извештаи, би можело да остави неколку поранешни министри без бенефиции од повеќе милиони евра.

Неколку членови на претходната влада веќе објавија дека ќе ги донираат парите во добротворни цели, на сиропиталиште во Закарпатија.

ВИДЕО | Новиот премиер на Унгарија го разоткрива луксузот на Орбан