Во понеделникот во првиот натпревар од полуфиналето на плејофот во македонската „МТЕЛ“ Супер кошаркарска лига, и продолжение од пет минути славеше екипата на Маџари на гости против ТФТ со 84:82 во салата „Лазар Лечиќ“ во Скопје за водство од 1:0 во серијата.

Во првата и историска плејоф победа на Маџари блескаше Грин кој запиша 19 поени, девет асистенции и три скокови, следен од Луис со 18 поени (плус седум скокови и три асистенции), Армстронг забележа 17 поени (пет скокови и две асистенции), додека Савиќ имаше 12 поени и три скокови.

Придонес даде и Хот, кој на осум поени забележа и 13 скокови, додека Димчевски постигна девет поени и 10 скока.

Кај ТФТ, кој двапати се враќаше во натпреварот, големи, но на крајот без ефект, 28 поени имаше Говенс, 19 поени дојдоа од Ташовски (плус по три скока и асистенции). Плус осум поени и 15 скока забележа Гордон, а седум поени и 10 скока оствари Дејвис.

Следниот натпревар од оваа серија во кој екипата на Маџари ќе биде во улога на домаќин, ќе се игра на 12 мај.

Екипите на МЗТ Скопје Аеродром и Пелистер ќе ја отворат полуфиналната серија со дуелот закажан за 6 мај (среда), од 19.00 часот, во СЦ „Јане Сандански“ – Скопје.