Белорускиот претседател Александар Лукашенко изјави денеска дека земјата во моментов превезува големо количество стоки преку Русија, но нагласи дека има потенцијал за многу повеќе.

„Од една страна, тоа ги реши нашите логистички проблеми, а од друга страна, обезбеди зголемување на приходите за руските компании“, рече Лукашенко на состанокот на Врховниот совет на Федералната држава Русија и Белорусија.

Според него, фокусот ќе биде ставен на проектот Северниот морски пат

„Веќе превезовме стока на таа релација и функционира“, додаде тој.

Првата транспортна пратка преку Северниот поморски пат беше успешно испорачана на крајот на септември од Кина до Белорусија.

Стоката во август била спакувана во Пекинг и испратена до белоруски компании, пренесува Танјуг.