Лудите диети на славните: Како слабееле Калас, Бајрон, Кафка…
За убава форма на телото славните биле подготвени сè да направат, а нивните диети, од денешен агол, се многу смешни.
Убавата телесна форма отсекогаш била предизвик, а за до неа да се дојде се практикувале најразлични формули. Некои од нив и навистина функционирале.
Диетата на Кафка
Диетата на Бајрон
Светот го знае по неговите стихови, но малкумина знаат дека Лорд Бајрон бил голем поддржувач на диетата – гладување. Сметал дека со внесување на исклучително мала количина на храна, поточно со гладување, неговото тело ќе биде здраво а неговиот ум – чист и остар.
Неговиот диетен режим набрзо бил прифатен од голем број луѓе, а изгледал вака – неколку суви бисквити, сода вода, и компири со оцет. Неговите следбеници диетата малку ја прошириле па таа дозволувала подоцна и малку ориз со оцет и зелена салата.
Диетата на Марија Калас
Познатата оперска пејачка Марија Калас сметала дека единствен начин да се загубат многу килограми е со помош на тенија.
Се шпекулира дека самата Калас така ги загубила килограмите, со намерно голтање на тенија, црв кој паразитира во дигестивниот систем. Ова диетно лудило благодарение на славната пејачка брзо станало популарно па на пазарот се појавиле различни апчиња за слабеење кои содржеле тенија.
Чудотворно апче
„Чудотворното апче ” од 1890-те години, гарантирало брзо слабеење. Било направено од естракт на неколку тревки со високи лаксативни својства. Апчето навистина делувало бидејќи екстремно го забрзувало метаболизмот, но набрзо се докажало дека не е здраво, а често предизвикувало диареја.
Сапун за слабеење
Сапунот за слабеење е веројатно еден од најчудните начини за губење на килограми. Се појавил во 1900-те години и гарантирал дека едноставно ќе ја исплакнете од себе дебелината и маснотиите.
„Делува магично“, пишувало на рекламата на сапунот за слабеење.
Лаки Страјк диета
Во 1920-те години, пред да знаеме сите дека цигарите се штетни за здравјето, производителот на цигарите Лаки Страјк ја лансира кампањата „Фатете се за Лаки наместо за слатко“.
Ремен со вибрации
Ременот кој вибрира и на тој начин вашето тело вежба, беше суперпопуларен многу долг период – од 40-те до 70-те години. Дури подоцна се сфати дека оваа машина е апсолутно бескорисна.
