Лоша вест за Скорпиите: Овие 5 хороскопски знаци се „најнапалени“
Британскиот продавач на секс-играчки Lovehoney ја анализирал продажбата од јануари 2020 до декември 2021 година за да открие кој потрошил најмногу на сексуални играчки.
Исто така, разговарале и со познатиот астролог Инбал Хонигман за да откријат што го покренува секој знак. Излегува дека најсексапилен ѕвезден знак е Ракот, со 11 милиони фунти на секс-играчки, пишува „Дејли стар“.
Го следат Бикот, Близнаците, Овенот и Лавот, кои се исто така меѓу петте најсекси знаци.
Што се однесува до знаците на дното на листата – тоа се Скорпија и Стрелец.
Еве повеќе информации за петте знаци кои трошат најмногу пари на секс-играчки…
Рак
Инбал рекла: „За луѓето родени во знакот Рак, допирањето на кожата на друго суштество е речиси духовно искуство“.
– Се чувствуваат живи и возбудени кога партнерот не може да ги држи рацете подалеку од нив. Тие се физички знак и имаат потреба од човечки допир, дури и ако тој човечки допир е нивна десна рака – објаснила Инбал.
Сексуално најмногу им одговара Бик.
Бик
– Бикот сака допир кожа со кожа; телесните задоволства и исполнетите желби се голем дел од односите што ги имаат со партнерите – вели Инбал.
– Се чувствуваат згрижено и обожавано кога некој ги прегрнува и гали. Нивната сексуалност е елегантна како и самите тие – додава таа за „Дејли стар“.
Сексуално најмногу им одговара Рак.
Близнаци
Близнаците се насочени кон експериментирање во сексот со различни луѓе, според Инбал.
– Потребна им е постојана низа на поттикнувачки опции и сакаат сѐ што е ново, свежо и интересно. Тие се чувствуваат возбудено и живо кога се вклучени во нови и неочекувани сексуални практики – рекла таа.
Сексуално најмногу им одговара Стрелец.
Овен
– Во сексуалната арена овој знак е исполнет со сирова страст – вели астрологот.
– Најсреќно и најживо се чувствуваат кога се возбудени, па затоа најчесто го сметаат нивниот сексуален живот за централен дел од нивното животно искуство, без разлика дали се сингл или имаат партнер – вели Инбал.
Скорпијата најмногу им одговара сексуално.
Лав
За Лавовите сексуалниот чин не е само физичка, туку и ментална активност.
– Се чувствуваат ценети кога партнерот го става нивното задоволство на прво место и прави сѐ што може да ги возбуди – тврди Инбал.
– Луѓето родени во знакот Лав се лидери, а не следбеници и со задоволство го одредуваат тонот во спалната соба – додава таа.
Сексуално најмногу им одговараат Рибите.
Список на „најнапалени“ знаци според тоа колку трошат на сексуални играчки:
– Рак
– Бик
– Близнаци
– Овен
– Лав
– Девица
– Вага
– Риба
– Водолија
– Јарец
– Стрелец
– Скорпија