Ливерпул го комплетираше еден од најголемите трансфери ова лето
Германскиот репрезентативец, Флоријан Вирц, вечерва и официјално го облече дресот на Ливерпул, откако клубот од „Енфилд“ потврди дека трансферот е завршен.
Препорачано
Вирц, кој блескаше во редовите на Баер Леверкузен, ќе ги засили „црвените“ и повторно ќе игра заедно со својот поранешен соиграч Жереми Фримпонг, со кого ја делеше соблекувалната и во германскиот тим.
„Пресреќен сум и многу горд. Долго време го очекував овој момент и сега конечно е сѐ готово. Возбуден сум за новата страница што ја отворам во мојата кариера. Зборував со неколку играчи кои веќе беа дел од Ливерпул и сите ми рекоа дека ова е вистинското место за мене. Едвај чекам да го одиграм првиот натпревар во овој дрес“, изјави Вирц за клупскиот сајт.
Според информациите на медиумите на Островот, Ливерпул на веднаш исплатил 117 милиони евра за услугите на Вирц, а со дополнителни бонуси трансферот може да достигне вредност од дури 136 милиони евра.
Со ова засилување, „црвените“ јасно ставаат до знаење дека со полна сила влегуваат во новата сезона со амбиции за самиот врв.
We have reached an agreement for the transfer of Florian Wirtz from Bayer Leverkusen 🤝😄
— Liverpool FC (@LFC) June 20, 2025
