Најдобрата македонска тенисерка Лина Ѓорческа денеска го предаде полуфиналниот меч на ИТФ В50 турнирот во Порто, Португалија.

Ѓорческа се повлече во текот на вториот сет при водство на Фиона Кроули од САД од 1:0 во сетови и предност од 3:0 во гемови.

Нашата тенисерка многу добро го почна мечот и поведе со 3:0 во првиот сет, но Американката успеа да стигне до израмнување од 4:4, а потоа и од 5:5. Серијата на освоени гемови за Кроули продолжи и таа го доби првиот сет со 7:5.

Во следниот сет Кроули поведе со 3:0 во гемови, а Ѓорческа потоа донесе одлука да го предаде мечот.

И покрај поразот во денешното полуфинале Ѓорческа ја очекува скок на ВТА ранг-листата, а следен настап по двата ИТФ турнира во Порто, треба да го има во Франција.