Личните предмети на загинатите и повредените во „Пулс“ ќе се враќаат на семејствата следната недела
Враќањето на предметите ќе се врши по претходна идентификација од страна на сопствениците или блиските членови на семејствата на починатите.
Повредените и блиските членови на семејствата на починатите, како и други лица кои биле присутни за време на настанот, се повикуваат во периодот од 2 март 2026 година (понеделник) до 6 март 2026 година (петок), во терминот од 9 до 18 часот, да се обратат во просториите на Одделението за внатрешни работи Кочани, на улица „Тодосија Паунов“ бр. 12, информира СВР Штип.
Препорачано
Целта на повикот е враќање на личните предмети кои биле пронајдени на местото на настанот за време на увидот и кои им припаѓаат на повредените и починатите лица.
Меѓу предметите има мобилни телефони, паричници, накит, часовници, ташни, облека и обувки. Враќањето ќе се врши по претходна идентификација од страна на сопствениците или блиските членови на семејствата на починатите.
