Левица денес излегува веќе четврти ден на протести, борејќи се против негаторската европска и пробугарска политика кон македонскиот идентитет. Револтот од нивниот игнорантскиот однос кон македонскиот народ сѐ повеќе расте! Народот врие и тоа го покажа вчерашниот протест, со пробивање на оградата пред Владата, сѐ до самата порта на влезот. Народот сака да биде ислушан и послушан, бидејќи се работи за Македонија!, соопшти Левица.

Партијата нагласува дека денешната изјава од Владата дека дека „нема да брзаат со усвојување на документот”, бидејќи консултациите сѐ уште траат и не се исцрпени е директен резултат на „автентичниот народен Отпор на улиците, секојдневно изминативе денови“.

-Но Отпорот мора да продолжи, не смее да го дозволиме обезличувањето на македонскиот идентитет и јазик! Овие се нашите денови. Ова е товарот на нашата генерација. Ова е аманетот на нашите предци!, порачува Левица.

Тие апелираат да граѓаните за поголема масовност на протестите.

-Дојдете и денес, дојдете заедно да го издржиме товарот кој Историјата одбрала ние да го носиме, а потоа гордо да се кренеме, да ја исправиме главата горе и порачаме: НИЕ ДРУГА ТАТКОВИНА НЕМАМЕ! Драги сограѓани, Ние заедно ја пишуваме историјата. Дали ќе нѐ паметат како херои на нашето време или предавници кои ги предале коските на славните илинденци и асномци, од нас зависи! Нема повеќе оправдувања! Во 19:00 часот повторно се гледаме пред Влада – па до Министерството на Бујар Османи!, порачуваат од Левица.