Убодот од пчела или оса е болен и непријатен, а ако сте алергични, треба брзо да побарате лекарска помош. Ако не сте, добро е да знаете како можете да си помогнете да го намалите чувството на болка, чешање и оток што може да се појави после убод.

Еве што советуваат експертите, како да спречите убод, но и како да го лекувате ако дојде до него.

Како изгледа убодот од оса?

На прв поглед, слично како и другите убоди, ќе се појават црвенило и оток, велат дерматолозите. Може да се појави „мала дупка“ и нешто што изгледа како да сте се изболе со пенкало во центарот на местото на убодот.

Кои се симптомите на убодот од оса?

Зависи дали сте алергични на убодот или не, понекогаш само реакција на местото на убодот па чувство на болка, а некои ќе ги чеша кожата по неколку часа. Во некои случаи, убодот може да предизвика алергиска реакција, а притоа ќе се појават следните симптоми:

– отечени усни, јазик, уста и грло
– забрзано чукање на срцето
– зголемен крвен притисок
– отежнато дишење
– осип
– дијареја (пролив)
– болка во стомакот
– повраќање и гадење

Како да ја лекувате кожата по убод од оса?

Ако немате алергиски реакции, можете да си помогнете во сопствениот дом, но лекарит советуваат задолжително да одите на лекар доколку забележите симптоми на алергиска реакција.

Првиот чекор е да го отстраните пипалото од осата, но немојте да го притискате, бидејќи може да пушти уште отрови.

Откако ќе го направите ова, измијте го местото со вода и благ сапун и ставете ладни облоги, а можете да користите и лекови против болки.

Со миење, можете да ги отстраните сите бактерии или отров што може да ги носи осата или пчелата. Исто така, ќе помогне да се измие дел од отровот што го оставила зад себе.

Завиткајте тенка крпа околу пакетот мраз. Ставете на местото на убодот 30 до 60 минути, во интервали од 10 минути. Ова ќе помогне да се намали отокот и болката по убодот.

Ако осата ве убола неколкупати, задолжително веднаш посетете лекар.

Кога е потребно да побарате медицинска помош?

Секогаш кога станува збор за алергиска реакција, особено ако сте инаку алергични, а осата ве каснала првпат.

Ако отокот се прошири низ телото, чувствувате гадење, вртоглавица или неможност да дишете, веднаш побарајте итна помош, велат лекарите. Доколку забележите какви било реакции кои ве загрижуваат, не чекајте туку веднаш јавете се кај лекар.

Како да избегнете убод од оса?

Ако сте на пикник, покријте ја храната бидејќи таа ги привлекува. Ако ви се чини дека често ги гледате околу куќата, добро следете некаде да не се наоѓа нивното гнездо. Лекарите советуваат да внимавате каде шетате, бидејќи има места каде што често осите се наоѓаат, во близина на корпи за отпадоци и под покривите.