Меѓународниот Аеродром Скопје денеска преку електронска пошта доби закана за поставена експлозивна направа и случајот веднаш го пријавивме во Министерството за внатрешни работи. Единици на МВР веднаш ги презедоа сите неопходни мерки и проверки, и утврдија дека заканата е лажна, информираат од ТАВ Македонија.

Од Министерството за внатрешни работи соопштија дека се завршени и проверките во училиштата, при што утврдено е дека станува збор за лажни пријави.

Министерството за внатрешни работи ја известува јавноста дека се направени сите потребни проверки во врска со денешните пријави со закани од десет училишта и аеродромот во Скопје, како и четири во Прилеп и утврдено е дека станува збор за лажни пријави. Веднаш по добиените пријави, од полициски службеници се преземени соодветни мерки и активности, извршени се потребните проверки од тимови за антитерористички проверки и утврдено е дека станува збор за лажни пријави, се вели во соопштението од МВР.

Продолжуваат дојавите за бомби, утрово упатена е закана во десет училишта