Рускиот министер за надворешни работи Сергеј Лавров изјави на самитот во Анталија,, Турција дека е дојдено време за разговор со САД за тоа како Вашингтон ги гледа идните економски врски со Русија, но дека разликите меѓу двете земји остануваат, пренесува Ројтерс.

Лавров, исто така, рече дека НАТО „не е во најдобра состојба“, но дека Русија нема да се меша во внатрешните работи на Алијансата.

Русија ја направи обновената економска соработка со САД клучен дел од нејзината иницијатива за дипломатско смирување на тензиите со администрацијата на американскиот претседател Доналд Трамп.