„Лајка“ се уште не профункционира, а директорката година ипол зема плата

epaselect epa08210362 Stray dogs in Tbilisi, Georgia, 19 January 2020 (issued 11 February 2020). During the collapse of the Soviet Union and the Georgian civil war, stray dogs that roamed the streets of Tbilisi suffered exclusion and discrimination. Those days are so far gone now that these animals have become not only a normal part of the urban landscape but beloved inhabitants of the Georgian capital. The Tbilisi city council opened a shelter, where near 150 specialists of the Animal Monitoring Agency of Tbilisi (AMA) guarantee they live in good conditions. The dogs are now well-fed, sterilized and receive the necessary veterinary care. The council has also enabled spaces for dog walking and training. EPA-EFE/ZURAB KURTSIKIDZE

-Лајка до сега милион пати требаше да биде отворена и да се третираат кучињата на хуман начин залови-стерилизирај-врати на локација, а не да се дозволи неконтролирано размножување на кучињата и стварање глутници по улиците, а со тоа и раст на револтот на луѓето кој никогаш не бил поголем, реагира една од активистките за права на животните.

Во март минатата година Тина Петрушевска беше назначена за директорка на ЈП Лајка, стационар за вдомување на бездомни животни, кој до ден денеска се уште не профункционира. Оттогаш се поминати 18 месеци, за кои на директорката и се исплатуваат плати за раководство на непостоечко претпријатие.

Во претпријатието има уште седум други вработени, коишто чекаат да добијат задолженија за работа, како би ги оправдале платите кои редовно ги земаат.

Дополнителен револт кај згрижувачите на уличните кучиња предизвика и неодамнешната објава на Асоцијацијата на активисти за права на животните во која се гледа дека значителна сума на средства е издвоена за опремување на стационарот.

-Лајка до сега милион пати требаше да биде отворена и да се третираат кучињата на хуман начин залови-стерилизирај-врати на локација, а не да се дозволи неконтролирано размножување на кучињата и стварање глутници по улиците, а со тоа и раст на револтот на луѓето кој никогаш не бил поголем, реагира една од активистките за права на животните.

Директорката на Лајка, кратко одговори дека прави јавни набавки со одлука од Управен одбор на претпријатието.

-Во моментов ги правиме последните подготовки и очекувам многу наскоро Лајка да почне да работи. Што се однесува на набавките, тие се прават со одлука на Управниот одбор, рече Петрушевска.

Активистката за права на животните и советник во Град Скопје, Драгана Велковска денеска за Слободен печат рече дека поднела барање за разрешување на в.д. директорката на Лајка, поради како што вели злоупотреба на службената должност.

Таа барањето за разрешување го објави и на нејзиниот личен фејбук профил

– Денес поднесов барање за разрешување на в.д. директорката на ЈП Лајка до градоначалникот поради скандалозната злоупотреба на службената положба за која јавноста дозна од здружението
Daisy Family Rescue и поради очигледното сомнително трошење на јавни пари. Барањето за нејзино разрешување е поддржано од 8 скопски здруженија за заштита на животни и од 13 национални здруженија и активистички групи за заштита на животни кои се солидаризираа со скопските активисти.

Активисти од цела Македонија бараат нејзино итно разрешување и именување на долгогодишен активист-волонтер за заштита на животните кој ужива углед меѓу активистите и кој од нив ќе биде номиниран, се вели во барањето на Велковска.

До градоначалникот на Град Скопје денеска се уште не беше стигнато барањето за разрешување на директорката на Лајка. 

Тој на прашање на Слободен печат потврди дека Петрушевка зема месечен надоместок откако е започнат нејзиниот работен однос, без оглед на тоа што претпријатието година и пол откако е формирано, се уште не почна да работи. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот