Шпанската Ла Лига ја заострува борбата против аудиовизуелната измама и пиратеријата, нудејќи надомест од 50 евра за секоја потврдена дојава за објекти кои емитуваат натпревари без соодветна дозвола.

Кафулињата, рестораните, обложувалниците и сличните локали се обврзани да поседуваат специјален претплатнички пакет за јавно прикажување на натпреварите. Од Ла Лига информираат дека легалните преноси имаат јасна ознака, буква во аголот на екранот, што им овозможува на навивачите лесно да препознаат дали сигналот е дозволен или нелегален.

Доколку некој забележи дека одреден објект прикажува нерегистриран или неовластен пренос, може да испрати електронска порака до Ла Лига со фотографии или видео-снимки, со цел случајот да биде дополнително проверен.

Лигата исто така посочува дека постои и посебен канал преку кој навивачите можат анонимно да пријават нелегални преноси.