Курто Дудуш под истрага на МВР
МВР ќе го преземе случајот со снимката на која наводно се слуша гласот на градоначалникот на Шуто Оризари, Курто Дудуш, во која машко лице се расправа и физички се пресметува со друго лице.
Реакции веќе пристигнаа од партиите, а обвинителството нема отворено предмет.
Од партијата СДСМ го осудија насилството и побараа одговорност доколку тоа се докаже.
„Очекуваме сите надлежни институции да постапат, да го расчистат случајот и да ја информираат јавноста. Моралните аспекти и личната совест, како и човечкиот интегритет се вредости кои подразбираат и одговорно однесување и делување. Одговорност мора да има, законите важат за сите подеднакво“, велат од СДСМ.
Од опозицијата го нападнаа премиерот Зоран Заев и го нарекоа поддржувач на насилство. Курто Дудуш претходно за порталот Фокус демантираше дека тој е на снимката и дека воопшто малтретирал човек, велејќи дека снимката е монтирана од политички причини.