Косовската претседателка Вјоса Османи денеска ја потпиша уредбата со која му се дава мандат за формирање нова влада на премиерот Албин Курти, јавува КоССев.

Одлука е донесена по официјалниот предлог на партијата на Курти,  Движење за самоопределување, која освои најголем број места во Собранието на изборите одржани на 9 февруари оваа година.

Според Уставот, носителот на мандатот за формирање на Владата, Курти, е должен да го достави составот и програмата на Владата до Собранието на Република Косово за усвојување најдоцна 15 дена од датумот на усвојување на указот, наведува косовското претседателство.

Албин Курти денес го доби мандатот, еден ден откако беше избран пратеникот Ненад Рашиќ од Српска листа за потпретседател во Собранието на Косово, со што се отстрани клучната пречка во процесот на конституирање на таа институција.

Во исто време, мандатот му е даден пред локалните избори во Косово, кои се одржуваат утре.