Kултната серија „Alo, alo“ се репризира со предупредување за „потенцијално навредлива содржина“: Фановите се налутија
Корисниците на социјалните мрежи во Британија се налутија кога забележаа дека за време на повторувањето на култната серија „Alo, alo“ пред секоја епизода се појавува предупредување за „потенцијално навредлива содржина“.
Комедијата на Би – Би – Си, која се емитуваше од 1982 до 1992 година, го следеше животот во кафулето на Рене за време на Втората светска војна во окупираната Франција и настаните во неговото кафуле, кое беше омилено кај Германците и параван за движењето на отпорот.
Во серијата се појавија бројни смешни ликови, кои беа исмејувани преку стереотипите за Германците, Французите, Британците и Италијанците.
Покрај бројните стереотипи, имаше и бројни сексуални алузии.
И покрај тоа што серијата се здоби со култен статус и се репризираше неколку пати на, сега британскиот сервис Britbox, кој нуди содржини на BBC и ITV, стави предупредување пред секоја епизода, според „Headliner“ .
„Оваа комедија ги содржи јазикот и ставовите од тоа време, кои може да бидат навредливи за некои гледачи“, се вели во предупредувањето.
Бројни гледачи веднаш го изразија своето незадоволство на социјалните мрежи, критикувајќи го предупредувањето и потенцирајќи дека тоа е само продолжение на „cancel“ културата