Кујната важи за едно од највалканите места во домот
Иако звучи неверојатно, кујната претставува едно од највалканите места во нашиот дом. И покрај тоа што секој од нас очекува дека најголема концентрација на нечистотија во нашиот дом има во тоалетот, на вц-шолјата или пак во кантите за ѓубре, сепак тоа не е така.
Најмногу бактерии има и на оние места каде што најмалку очекуваме, а едно од нив е и кујната.
Имено, кујната важи за едно од највалканите места во куќата, а причина за тоа не е само фактот што таму се подготвува храна, која нечиста ја внесуваме од пазар, туку и затоа што во кујната се наоѓа и кантата за отпадоци.
Мијалникот и сунѓерчето со кое ги миеме садовите се постојан „дом“ на милиони бактерии, поради тоа што истите се постојано влажни, а земајќи го предвид фактот што бактериите најмногу се размножуваат во таква средина, нивното присуство е неизбежно.