Во гратчето Шамац, во БиХ, на самата граница со Хрватска, вечерва се случило двојно убиство, а еден човек е ранет, јавува „Кликс“.

Полицијата трага по сторителот на ова дело, а порталот „Кликс“ јавува дека идентитетот на убиецот е познат на полицијата.

Ранетиот човек е пренесен во болница во Добој, каде е згрижен. За крвавото злосторство е известен дежурен обвинител.

„Кликс“ пишува дека вооружениот напаѓач дошол во приватна куќа, каде пукал и го ранил домаќинот и убил маж и жена кои биле дојдени на гости.